Првиот човек на Хонда моторспорт, Масаши Јамамото откри дека производителот се надева многу скоро да доведе јапонец во најпрестижната тркачка серија. Формула 2 возачите Ниреи Фукузуми и Тадасуке Макино се поддржани од страна на производителот, но немаат доволно поени на своите суперлиценци за да добијат тест можности следната сезона.

Јасно е дека да се има јапонски возач на Формула 1 гридот е важно за Јапонија и за нашата компанија, но и за иднината на моторспортот во Јапонија – објасни Јамамото на прес конференцијата на ФИА.

Макино е 13ти во овогодишниот Формула 2 поредок во моментов, додека Фукузуми е 4 места зад него. Макино стигна до победа на една трка во Монца минатиот месец, додека Фукузуми паралелно со Формула 2  се трка и во јапонската Супер Формула.

Во однос на сериите во кои тие се тркаат, како што знаете има нови правила и многу промени, така што годиава таму не е многу стабилно и сигурно. Но, тие се одлични возачи и ние сме посветени за нив и веруваме во нивната светла иднина.

Последниот јапонец во Формула 1 беше Камуи Кобајаши кој својот последен настап за Катерхам го имаше во 2014 година.


ОСТАВИ КОМЕНТАР

Внесете го вашиот коментар
Внесете го вашето име тука

Внесете го точниот резултат. * Time limit is exhausted. Please reload CAPTCHA.