МЕКЛАРЕН

ЛОКАЦИЈА ВОКИНГ, ВЕЛИКА БРИТАНИЈА
ТИМСКИ ШЕФ ЕРИК БУЛИЕ
ТЕХНИЧКИ ШЕФ ТИМ ГОС
АГРЕГАТНА ЕДИНИЦА РЕНО
ПРВО УЧЕСТВО 1966
ШАМПИОНСКИ ТИТУЛИ 8
ПОБЕДИ 182
ПОЛ ПОЗИЦИИ 155
НАЈБРЗИ КРУГОВИ 155

Од влегувањето во спортот во 1966 година под водството на основачот Брус Мекларен, успехот на екипата не е ништо помалку од неверојатен. Пет декади исполнети со безбројни победи, пол позиции и подиуми, а да не заборавиме и на осумте шампионски титули …

ПРОФИЛ

Од влегувањето во спортот во 1966 година под водството на основачот Брус Мекларен, успехот на екипата не е ништо помалку од неверојатен. Пет декади исполнети со безбројни победи, пол позиции и подиуми, а да не заборавиме и на осумте шампионски титули во конкуренција на конструктори. Дополнително, некои од најуспешните во спортот го создадоа своето име токму во оваа екипа, вклучувајќи ги Емерсон Фитипалди, Аиртон Сена, Мика Хакинен и Луис Хамилтон.

2017

Трета разочарувачка сезона во партнерството со Хонда се покажа како последна сламка и доведе до промена кон Рено за 2018 година. Само 30 поени освоени од Фернандо Алонсо и Стофел Вандорн, иако тимот имаше одлична шасија, што пак му помогна на Алонсо да стигне до најбрз круг во трката за Голема Награда на Унгарија.

2016

Втора сезона од партнерството со Хонда со неколку подобрувања, иако тимот е сеуште далеку од освојување на подиум. Пласман на шесто место во поредокот, а најголемиот дел од поените ги освои Фернандо Алонсо. Фернандо пропушти една трка поради повреда, што пак доведе до топ 10 финиш за Стофел Вандорн, кој пак го замени Џенсон Батон за 2017 година.

2015

Ново-обновеното партнерство на Мекларен и Хонда во моменталната генерација на агрегати наиде на големи пречки што пак резултираше до ужасни резултати, иако болидите беа возени од претходни шампиони, Џенсон Батон и Фернандо Алонсо. Обајцата освоија само 27 поени, а екипата заврши на деветто место во пласманот.

McLAREN MCL33

Мекларен се враќаат на корените иако само во однос на фантастичната боја на шасијата на болидот на 2018 година, МЦЛ33 со кој во Вокинг се надеваат да се вратат на победничките патеки.

МЦЛ33 е прв болид во историјата на екипата кој ќе биде придвижуван од мотор на францускиот Рено. Сепак, бојата на шасијата веднаш привлекува внимание, папаја портокаловата е боја со која екипата за прв пат се тркаше во Формула 1 серијата пред 50 години.

Инженерската филозофија на болидот не се разликува од неговиот претходник, а подобрувањата се направени врз основа на прибраните податоци од минатата сезона. Најголем дел од времето инженерите посветиле на оптимизација на пакетот за новиот мотор на Рено и секако инкорпорирањето на хало системот за заштита на кокпитот.

  • МЕРЦЕДЕС АМГ ПЕТРОНАС
    БРЕКЛИ, В. БРИТАНИЈА
  • СКУДЕРИЈА ФЕРАРИ
    МАРАНЕЛО, ИТАЛИЈА
  • РЕД БУЛ РЕЈСИНГ
    МИЛТОН КИНС, В. БРИТАНИЈА
  • ФОРС ИНДИЈА
    СИЛВЕРСТОН, В. БРИТАНИЈА
  • ВИЛИЈАМС МАРТИНИ РЕЈСИНГ
    ГРОУВ, В. БРИТАНИЈА
  • МЕКЛАРЕН
    ВОКИНГ, В. БРИТАНИЈА
  • СКУДЕРИЈА ТОРО РОСО
    ФАЕНЗА, ИТАЛИЈА
  • ХААС Ф1
    КАНАПОЛИС, С. КАРОЛИНА, САД
  • РЕНО СПОРТ Ф1
    ЕНСТОУН, В. БРИТАНИЈА
  • ЗАУБЕР
    ХИНВИЛ, ШВАЈЦАРИЈА