Себастијан Фетел застана во одбрана на одлуката на Ферари да се обидат првиот квалификациски круг во К3 сегментот да го комплетираат со интермедиа гуми. Но, коцкањето не се исплатеше и тој утре ќе мора да почне од 9то место. Мерцедес беа доминантни во Петок, но предноста беше мала во однос на Ферари на денешната утринска сесија, а во тој стил продолжи и на квалификациите.

Фетел и Раиконен излегоа први на патеката во К3 со зелените интермедиа гуми на нивните болиди во ситуација кога сите останати имаа црвени суперсфт. Но, по комплетирањето на инсталацискиот круг, тие видоа дека погрешиле, ги повлекоа двата болиди за мазни гуми за обид за летечки круг.

Ако почне да врне пет, шест или седум минути порано, ќе направевме чудо затоа што бевме единствени паметни во таа ситуација, но дождот задоцни и испаднавме единствени глупави на квалификациите.

Јас целосно ја бранам одлуката на тимот, тоа беше заедничка одлука и јасно е дека не беше доволно мокро за тие гуми, а дождот се стиши во тие моменти, но дојде подоцна. Очекувавме повеќе дожд од првиот момент на квалификациите, но јасно е дека тоа не се случи.

Погрешна беше одлуката гледано од овој аспект, но условите се такви и може да погрешите или да донесете исправна одлука. Јас никого не обвинувам – изјави Себастијан.

Германецот призна дека ќе било тешко да се победи Мерцедес ако имало потполно сува последна квалификациска сесија.


ОСТАВИ КОМЕНТАР

Внесете го вашиот коментар
Внесете го вашето име тука

Внесете го точниот резултат. * Time limit is exhausted. Please reload CAPTCHA.