Младиот возач на Вилијамс, Оливер Роyланд, одвај чека да се врати позади управувачот на болидот на Вилијамс наредната недела.

Поранешниот возач во ГП2, Формула 2 и Формула Рено 3,5 моментално има двојна улога во Вилијамс, како и во Светското Првенство на Издржливост со екипата на SEFC TRSM Racing. Но 25 годишниот од Шефилд е целосно фокусиран кон седиште во Формула 1.

Крајната цел е Формула 1. Тоа од секогаш била моја амбиција. Напорната работа и одлучноста се клучни фактори за седиште во Формула 1, тоа е природата на спортот. Само се концентрирам на напорна работа за Вилијамс, а ќе оставам луѓето да одлучат – вели Роуланд.

Моментално, Роланд ќе учествува во тест сесијата по трката во Хунгароринг. Во тестот ќе му се приклучи и Роберт Кубица. Во претходен наврат, Роуланд тестираше во Мај, кога комплетираше 121 круг на патеката Каталуња во Барселона.

Мојот прв тест во Барселона беше возбудлив и интересно искуство од моја страна, но навистина уживав. Се обидов да обезбедам што повеќе податоци за екипата и мислам дека завршив добра работа.

Сакам да продолжам со добрата работа и да го импресионирам тимот уште повеќе. Одвај чекам да се вратам во болидот и да ги покажам своите способности.

Сезоната е прилично тешка за Вилијамс досега, но се надевам дека со подобрувањата тимот ќе може да се подобри во останатите трки.

Навистина сум среќен со мојата сезона досега. Напреднав и тоа е важно. Вилијамс ми даде можност и сакам да им возвратам со напорна работа и позитивен фидбек – додаде Роланд.

Роланд ќе тестира во Вторник, 31 Јули, а Кубица ќе ги превземе должностите во Среда.


ОСТАВИ КОМЕНТАР

Внесете го вашиот коментар
Внесете го вашето име тука

Внесете го точниот резултат. * Time limit is exhausted. Please reload CAPTCHA.