Почина Серџо Маркионе

6822

Првиот човек на Фиат Крајслер, Претседател и Главен извршен директор на Ферари, Серџо Маркионе, почина откако минатата недела беше ослободен од сите извршни функции како резултат на драстичното влошување на неговото здравје.

Тој стана прв човек на Фиат во 2004 година и беше креатор на преродбата на компанијата како и здружувањето со Крајслер по што станаа моќен играч во автомобилската индустрија. Маркионе стана влијателен во Формула 1 откако лично го превзема и раководењето со Ферари во 2014 година, заменувајќи го Лука ди Монтеѕемоло.

Исто така, тој беше дел од преговорите за иднината на Формула 1 како претставник на Ферари и се закани со напуштање на тркачката серија доколку не се исполнат неговите барања.

Маркионе требаше да престане со вршење на дел од функциите во Април следната година поради старост, но во Сабота свика итен состанок на кој објави дека се повлекува од функциите откако здравствената состојба драстично му се влошила. На негово место како Претседател на Ферари беше поставен Џон Елкан, додека за Извршен директор беше поставен Луис Камилери.

Денеска, Exor NV, холдинг компанијата на семејството Ањели преку која се контролира влогот во Фиат, потврди дек Маркионе починал на 66-годишна возраст.

Се случи она од што се плашевме. Серџо Маркионе, човек и пријател, го нема повеќе.

Најдобар начин да продолжиме да го почитуваме него е да го надоградиме тоа што ни го остава, да продолжиме да ги развиваме човековите вредности и одговорности како и отвореноста по која тој беше познат.

Моето семејство и јас ќе бидеме вечно благодарни за тоа што тој го има направено – изјави новиот Претседател на Ферари, Џон Елкан.


Почина Серџо Маркионе

14 коментари

Внесете го точниот резултат. * Time limit is exhausted. Please reload CAPTCHA.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>