Шарл Леклер од Заубер беше разочаран што не се пласираше во последниот сегмент од квалификациите за Јапонското Гранд При во Сузука.

Тој не успеа да влезе во К3 за само 0,016 секунди во блиска борба со двата болида на Торо Росо.

Штета е што не се пласиравме во К3. Перформансите ги имавме. Направив мала грешка во мојот прв круг во К2, а потоа не беше возможно да го подобрам времето поради дождот.

Севкупно, ова беше позитивен ден и гледаме дека имаме потенцијал за добри перформанси во трката. Одвај чекам – изјави Леклер.

Но како што изгледа, тој во трката ќе стартува во топ 10, откако Естебан Окон доби казна од 3 места поради пребрзо возење додека беше истакнато црвено знаме во последната тренинг сесија.

Тоа е најдобро сценарио за Леклер. Возачите кои ќе се пласираат во К3 мора да стартуваат со истиот сет на пневматици со кои го постигнале најбрзиот круг во К2, но сепак ќе има слободен избор на компоненти.

Ќе имаме предност со старт на пневматици кои ние ќе ги избереме – додаде Леклер.


ОСТАВИ КОМЕНТАР

Внесете го вашиот коментар
Внесете го вашето име тука

Внесете го точниот резултат. * Time limit is exhausted. Please reload CAPTCHA.