Здравствената состојба на трикратниот Формула 1 првак Ники Лауда не е едноставна како што првично се претпоставуваше и тој бил подложен на операција за трансплантација на бели дробови во болница во Виена.

РЕКЛАМЕН ПРОСТОР

На 69-годишниот Неизвршен претседател на Мерцедес Формула 1 тимот кој има и сопственички удел во екипата, му се влоши здравствената состојба додека бил на одмор во Ибица, Шпанија и поради тоа итно авионски бил пренесен во главниот австриски град.

Ники имаше тешка повреда на белите дробови кога на Германското Гранд При во 1976 година имаше тежок судар по кој остана заробен во запалениот болид, но фантастично брзо повторно се врати на тркањето само три трки подоцна.

Поради тешка повреда на белите дробови, Ники Лауда мораше да биде подложен на трансплантација на белите дробови. Транслантацијата беше успешно спроведена од доктор Валтер Клепетко и доктор Конрад Хотзнекер.

Љубезно ве молиме да разберете дека семејството нема да дава никакви официјални изјави, а ние сакаме да ја заштитиме нивната приватност – гласи соопштението од AKH болницата од Виена.


ОСТАВИ КОМЕНТАР

Внесете го вашиот коментар
Внесете го вашето име тука

Внесете го точниот резултат. * Time limit is exhausted. Please reload CAPTCHA.